Ezio Spataro , molto attento alle cose marinesi ha voluto gratificarci del suo pensiero poetico su certe notizie dell'altro mondo. Mi preoccupa il fatto che secontinua così dovrà accontentarsi della nostra stima e scordarsi premi a tavolino.
La sua azzannatura ci fa onore
Lu mortu c'aspetta di Ezio Spataro
Quann'era vivu mi sfrattaru quattru voti
e ora ca murivu è tempu di la quinta,
a filèra cci su loculi unni ti voti voti,
e a mia dintra sta vara mi serbi n'atra spinta.
Mi serbi n’atru agganciu pi truvari lu me largu
pi trasiri nta un sonnu di letargu
un sonnu ca cci veni a chiddi morti,
e puru nta lu sonnu li cosi vannu storti.
Sugnu scuetu dintra la me vara
aspettu d'arrivari a sepurtura
un purtusiddu strittu chi m'appara
un vasiceddu nicu pi li ciura.
S'aspettanu li vivi a lu Sportellu
ca firmanu li carti a manu a manu
nun vannu a chiddu tintu
e mancu a chiddu bellu,
c'è un'Unicu Sportellu
pi lu porcu e lu cristianu.
Li morti chi nun passanu di ddocu
su misi nta la lista di l'attesa
allura lu sapissiru na pocu
ca si sentinu ancora parti lesa.
Puru quannu mori c'è burocrazia
doppu na vita chi paghi ancora tassi
e bonu lu sapi dda to vecchia zia
ca la misiru sutta quattru massi
mancu pi idda la spiranza truvà largu
e vinni lu distinu a durbicalla
assai cci avia duratu lu letargu
e vinniru a la fossa pi spitralla
Ristavanu du ossa e lu sudariu
la misiru a la lista di l'ossariu
si misi ngraduatoria pi ssa strata
e aspetta silinziusa la chiamata
Ci dissiru l'uscieri di l'ossariu:
si morta e mancu trovi ancora casa
ristasti cu li gammi ancora all'ariu
la morti ti saluta, la furtuna nun ti vasa.
Sapemu la to sorti comu ncedi
vidennu la to morti e vidennuti al'appedi
vennu certi morti ca su raccumannati
arrivanu a st'ufficiu e sunnu collocati.
www.percorsipoeticiabrannu.blogsport.com
Nessun commento:
Posta un commento