Non potevamo fare a meno del commento di Ezio Spataro , poeta non solo azzannatissimo ma anche anarghiro, che in questo caso significa “senza” premio non perché non lo merita ma perché non lo questua. Sto organizzando una tavulata con San Ciro tieniti libero.
Santu Ciru e li duttura
Santu Ciru scinnennu pi la via
ncuntrava na brigata di duttura
allura si ferma e ddocu spia:
“attì quantu pigghiati all'ura?”
Nuatri cuntiggiamu sempri a visita
rispunnianu a coru li duttura,
d'oru circamu la gemma e la pipìta
e pi chissi curamu tutti li dulura.
Ma allura nun siti anarghiri
comu nna l'antica Età
quannu l'oru nun putià luciri
cchiù di la Fidi e di la Carità...
...Anarghiru l'Egittu!!
ripitianu a coru li duttura
nuatri avemu grassu lu pittitu
e l'oru l'accucchiamu cu primura!!
La fidi chi ancora prufissati
nun vasta a cunquistari lu tesoru
ca saggiamenti nta lu cielu accumulati
e vali chiossà di tuttu l'oru?
Nuatri semu chiddi di la Sanità,
idda nni cunfirisci nnomu e dignità
lesta scrivemu la ricetta cu la cura
e di lu Statu Laicu nuatri semu li duttura!!
E si un puvureddu scunsulatu e sulu
cci aumenta tuttu nzemmula u duluri?
Allura pi vuatri è comu un mulu
c'azzuppannu pi iddu un ci su curi…
S'avi l'oru e li brillanti di purtari
sicuru ca la cura si cci po truvari
ma siddu è un mulu comu dici tu
allura la quistioni nun nni tocca cchiù.
Siddiatu pi sti misiri paroli
Santu Ciru nta lu cielu arritiratu
dissi a lu Signuri "a mia mi doli,
ma l'oru di pietà nun fu truvatu.
Nessun commento:
Posta un commento